關於功課輔導班，老師用2個鐘幫小朋友逐題對功課，其實需要老師老師自己重做了一次該份功課，才能知道答案是否完全正確。如果想小朋友真正學識，又不能夠直接給予答案，要去教返小朋友，引導小朋友去想，去思考，去作答。功課輔導班老師中英數全科都要識教，家長仲要求溫埋默書，同埋考試範圍。更要教小朋友有禮貌、識得尊重别人，理解做功課是一份責任，還要喜歡閱讀。
文章目錄
除了上面還有沒有？
清單還沒有完呢。
- 當小朋友無心機時，要關心小朋友有沒有唔開心；
- 小朋友掛住傾計要控制秩序，心散時控制返小朋友心情；
- 肚餓時還要著小朋友食少少茶點。
- 小朋友唔舒服要叫家長接。
- 小朋友有咩地方弱要提醒家長跟進。
咁樣嘅功課輔導班，大家覺得應該值多少錢？
我們的功課輔導班，為咗幫到小朋友，收幾十蚊一個鐘，交埋租唔洗蝕本都係無錢賺。
家長請給多一點同理心
食得咸魚抵得渴，做生意，明白的。
但家長們，請不要因為睇漏左一句半句就責怪老師無心機對功課。
很多小朋友就是慣性依賴，跟不上學校進度，完全不知道自己在做甚麼。
作為老師，講答案給答案容易，但若真正想幫小朋友，很多時需要非常耗時間的從基本概念教起。
現在香港地，老師人工起碼都要某個價，更重要是要搵到一個有心教的老師唔容易。
老師教得辛苦，好落力又好細心，但做左都未必有人欣賞，因為係「老馮」。
而且家長其實知道自己孩子「咩料」啦。若果家長只懂推卸責任，又不懂體諒的，我們怕你鬧走我們的老師，多於少一個客人。
9月10月的目標
其實只是開學一陣，對很多學生來說，根本未適應「做功課」這個行為。能夠乖乖地專心自行完成功課，已是萬幸。
若果家長勉強要求「量」，要求教識功課之餘再溫習再要成績有進步，根本囫圇吞棗，不求甚解，勉強做完功課，其實也學不到什麼。
所以，希望大家明瞭，我們不是偷懶，而是真的為孩子好。
如果不同意，亦只好「道不同，不相為謀」了。