若小一統一派位結果未如理想，小朋友未獲派心儀小學，很多家長會選擇叩門，拼力為子女爭取入學機會。若叩門獲得面試機會，大家就要好好珍惜，並且做足準備。其實叩門位真係得好少。叩門面試前家長可參考以下面試題目跟小朋友練習，為叩門作好準備：
個人及家庭
1. 你叫咩名？
2. 你住喺邊度？
3. 你屋企有幾多人？有冇兄弟姊妹？
4. 你讀邊間學校？平時邊個湊你返學放學？
5. 放學後你會做啲乜嘢？ 同邊個一齊？
6. 你今日搭乜嘢交通工具來學校？
7. 星期六日爸爸媽媽會同你去邊度做啲咩？
學術題及表達能力
1. 你最鍾意嘅人/電視節目/食物/生果/數字/顏色係咩？點解？
2. 你最鍾意邊本故事書？本書講乜嘢㗎？
3. 看圖畫講出圖中事物／故事。
4. 一個星期有幾多日？一年有幾多個月？
5. 3+4=? 5+6=? (個位數加法/雙位數加法)
生活自理題
1. 如果返學想去廁所要點做？去完廁所要點做？
2. 如果你見到課室有昆蟲，你會點做？
3. 如果放學你見到接你的是你不認識的人，你會點做？
4. 和父母行街同父母失散，你會點做？
5. 如果同學打你／推你，你會點做？